Uncategorized

٥ خطوات للتخلص من فوضي الموبايل والكمبيوتر وتنظيمهم

الموبايل بقي زحمة ومليان صور وحاجات ومش لاقية مساحة فاضية كل ما اجي احمل حاجة جديدة ميرضاش

الزحمة والكراكيب مش بس بتبقي موجودة في بيتنا
الموبايل والكمبيوتر واللاب توب كمان بيبقوا عليهم كراكيب بتعملنا تشتت ونيجي ندور علي حاجة منلقيهاش او نفضل ناخد وقت طويل علشان نوصل للي عايزينه

تعالي اقولك ازاي تحافظي علي موبايلك او الكمبيوتر بتاعك منظم ومفيهوش كراكيب وتلاقي الحاجة اللي انتي عايزاها عليه بسهولة

١) قسمي الحاجة ولتكن الصور مثلا لألبومات واكتبي اسم علي كل ألبوم ، مثلا العائلة، الاصدقاء، شوفي انتي تحبي تقسميهم ازاي
اعملي نفس الكلام مع اي حاجة بتنزليها عندك عالموبايل او الكمبيوتر وصنفيهم في ملفات

٢)بيبقي في ملفات عايزة تحتفظي بيها لأنك ممكن تحبي ترجعيلها في اي وقت بس مش عايزة تزحمي الموبايل او الكمبيوتر بيها
زي مثلا لو انتي بتحضري كورسات كتير وبتقرأي كتب بي دي اف وعندك ملفات خاصة بالكورسات دي
ممكن تعملي علي جوجل درايف فولدرز
فولدر تسميه الكورسات وفولدر تسميه الكتب وفولدر الصور وهكذا
وكل فولدر قسميه من جوا
مثلا فولدر الكورسات كل ما تشتركي في كورس افتحي فولدر باسمه في فولدر الكورسات،
وجوا الفولدر ده ضيفي الملخصات بتاعتك بتاعت الكورس
وبكده بقت الدنيا منظمة وكل ما تحتاجي حاجة تقدري توصليلها في اي وقت ومش محتاجة تزحمي موبايلك بكل الملفات دي

كذلك الكتب .. افتحي فولدر الكتب وقسميه لفولدرات حسب نوع الكتب ،،مثلا التربية ، علم النفس، البيزنس، العلاقات ،…. وهكذا

وحطي كل كتاب في الفولدر الخاص بيه وبكدة لما تحبي تقرأي في مجال معين تقدري تفتحي الفولدر بتاعه وتختاري منه الكتاب.

٣) الحاجة اللي مش محتاجاها امسحيها علشان تتخلصي من الزحمة اللي ملهاش لازمة.

٤) أول بأول لما تحطي حاجة جديدة وديها علي المكان بتاعها علطول وبكدة مش هتحتاجي تعملي قاعدة كبيرة تانية علشان تفرزي الحاجات الكتيرة اللي اتكومت عندك.

٥) ممكن تخصصي وقت معين كل اسبوع او كل فترة حسب وقتك والمناسب ليكي تقعدي فيها عملية الفرز دي لو صعب عليكي تعمليها أول بأول.

وبكدة هتكوني نظمتي الدوشة اللي عندك عالجهاز بتاعك وريحتي دماغك من التشتت واللخبطة بسبب الكراكيب دي

ومش محتاجة تعملي كل ده في مرة واحدة لأن الكراكيب دي متعملتش في مرة واحدة فأكيد كش هنقضي عليها في قاعدة واحدة لأن عينك هتتعب

قسميه علي كذا مرة وهتلاقي الموضوع سهل وبسيط بإذن الله

10 posts

About author
Professional Organizer and Time Management Coach https://www.facebook.com/groups/332587367147945/?ref=share
Articles
Related posts
Uncategorized

كيف اتخلص من الكسل والخمول

الكسل والخمول مشكلة بتعطلنا حياتنا وبنبقي مش راضيين عن نفسنا بس مستسلمين من دلوقتي مفيش استسلام انوي انك لازم تغيري حياتك للأحسن وتحاولي دايما تتخلصي…
BabiesKidsMotherhoodPregnancyToddlersTravelUncategorized

How to enjoy Eid while staying safe?

With Eid at the doors, we are all making plans for the holidays. Whether you are traveling or staying in Cairo, it’s very important to…
MotherhoodPregnancyUncategorized

How to avoid digestive problems during Ramadan?

As discussed in our previous article “5 Amazing Health Benefits of Fasting Ramadan”, fasting has many incredible health benefits. Yet, many people suffer from bloating,…
Power your life with Motherstalk
[[[["field6","contains","Other"]],[["show_fields","field8"]],"and"]]
1 Step 1
keyboard_arrow_leftPrevious
Nextkeyboard_arrow_right

Leave a Reply

Your email address will not be published. Required fields are marked *