EntertainmentKids

كيف استمتع بالعيد وأملأ قلبي بالفرحة

عيد الاضحي عالابواب كل عام والأمة الإسلامية بخير وصحة وسعادة يارب

كلنا بعد ما كبرنا بقينا نقول احنا مش حاسين بفرحة العيد زي زمان لما كننا صغيرين الطعم الحلو للعيد مبقاش موجود ومش هيرجع تاني

المفاجأة اللي اكتشفتها اني لما لما اتعلمت التخطيط وبدأت اخطط للاستمتاع بالعيد والاجازات لقيت في متعة بجد بعيشها وبقيت استمتع فعلا

ايوة بقيت اخطط للمتعة واكتشفت ان كان فايتني متعة كبييرة اوي لما مكنتش بخطط للاستمتاع

اكتشفت اننا كننا رابطين المتعة بنفس اللي كان بيحصل في طفولنا وانه لما مبقاش موجود يبقي عمرنا ما هنعرف نستمتع

لكن احنا اللي في ايدينا نسعد نفسنا ونفكر نمتعها ازاي

بجانب اننا عايزين نمتع اولادنا ونصنع معاهم ذكريات حلوة يفتكروها لما يكبروا ويربطوها بالعيد

ونعلمهم كمان ميوقفوش السعادة علي حاجة واحدة كانت بتحصل معاهم لكن نقعدهم معانا واحنا بنخطط للاستمتاع علشان يتعلموا مننا

 : وانا هنا هقولكم بقيت اخطط للاستمتاع ازاي

أول حاجة هاتي ورقة فاضية علشان هنعمل فيها عصف ذهني ( يعني هنعصر دماغنا علشان نطلع منها افكار ودرر تخلينا نستعد ونستمتع بالعيد) و هنكتبها  في الورقة

اعملي دايرة في نص الصفحة واكتبي فيها الاستعداد للاستمتاع بالعيد

طلعي منها فروع رئيسية وكل فكرة هتتكتب علي فرع منهم

وكل فرع رئيسي هيلطع منه فروع فرعية عليها طريقة تنفيذ الفكرة الرئيسية دي

هكتبلكم هنا مثال للعصف الذهني ده وهحطلكم الافكار الرئيسية في نقط وتحت كل فكرة هقولكم ازاي ممكن ننفذها

 :١) ليه عايزة استعد و استمتع بالعيد
لما نعرف السبب اللي بيخلينا عايزين نعمل الحاجة بيشجعنا ويزقنا نعملها

: لأنها تعظيم لشعائر الله *
قال تعالي {ذَٰلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ} [الحج : 32]

والاحتفال بالعيد من شعائر الله اي من معالم الدين

ولأننا لما بنستعد ونفكر ازاي هنستمتع بالعيد هنلاقي نفسنا عيشنا جو ومود الفرحة بجد وقلبنا هيتملي فرحة وسعادة

: نيتي ادخل السرور علي قلب اولادي واسرتي*

لما الولاد يقعدوا معايا نفكر ونخطط سوا ازاي هنحتفل بالعيد ويبدأوا ينفذوا معاكب اللي اتفقتوا عليه هيبقوا مبسوطين جدا وكمان هتعلميهم مهارة هتنفعهم في حياتهم
كمان هتحطوا افكار تسعدكم كلكم كأسرة في العيد

: إدخال السرور على قلوب أطفال المسلمين*
هنكتب افكار تحت ازاي نسعد باقي الاطفال بالعيد

: بيتي يستعد ويتزيين لاستقبال العيد*

:٢)طرق إدخال السرور علي قلب اولادي واسرتي

 شراء ملابس العيد ليكي ولزوجك واولادك*

ولو حاجة واحدة بسيطة جديدة تحسسنا بالعيد حسب امكانياتكم حتي لو شراب او طرحة جديدة او تطلعي حاجة بقالكم كتير مش بتلبسوها

 شراء ألعاب للعيد للأطفال وبمب وصواريخ*

ونفرقعهم بعد صلاة العيد، ونعمل كيس فيه حلويات والعيدية ونديها للولاد مفاجأة بعد صلاة العيد

نصلي العيد سوا*

 ونتصور صور حلوة تبقي ذكريات جميلة

 الولاد يشاركوكي في تحضير حاجات يدخلوا بيها السرور علي اطفال المسلمين زي مثلا عمل اكياس حلويات ،او نفخ بلالين ، او شراء ألعاب بسيطة حسب امكانياتكم
وتوزيعهم علي الأطفال وقت صلاة العيد او علي اطفال العائلة او اطفال منطقتكم

:٣) صلة الرحم وإدخال السرور علي اهلك وأقاربك  عن طريق مكالمات التليفون*

تتصلي تعيدي علي اهلك وحبايبك واصحابك.. تقدري تكتبي قائمة بكل الأسماء اللي عايزة تعيدي عليهم علشان متنسيش حد

الزيارات العائلية*

 شوفي حابة تزوري مين من اهلك في العيد واكتبي وحددي هتزوريهم امتي

:٤) الخروج والفسح
ممكن تعملي سيرش علي الاماكن اللي تحبوا تخرجوا تتفسحوا فيها في العيد
خلي الولاد وزوجك يشاركوكي واستقروا علي المكان.
وحددوا اليوم اللي هتتفسحوا فيه

: ٥) أنا والعيد
وطبعا متنسيش تحطي لنفسك هتستعدي ازاي لاستقبال العيد وتستمتعي بيه عالمستوي الشخصي
هل هتروحي الكوافير مثلا ولا هتشتري لنفسك حاجة جديدة ولا هتدلعي نفسك ازاي

ودلوقتي اكتبي قائمة مشتريات بكل الحاجات اللي كتبتي فوق انك عايزة تشتريها

واكتبي كل الايام اللي باقية عالعيد قدامك في ورقة

وفي كل يوم منهم اكتبي هتعملي فيه ايه من الحاجات اللي كتبتيها فوق

لأن تخطيط بدون تنفيذ هو تضييع وقت ودي اهم خطوة هتساعدك تنفذي انك توزعي المهام علي الايام وتحدديلها وقت محدد

ويارب يكون أسعد عيد مر عليكم وعلينا وعلي كل المسلمين

10 posts

About author
Professional Organizer and Time Management Coach https://www.facebook.com/groups/332587367147945/?ref=share
Articles
Related posts
BabiesKidsMotherhoodTeenagersToddlers

What is albinism?

In the occasion of albinism awareness day (June 13), let’s praise our difference. The strength of humankind relies is our differences. Our differences are due…
KidsMotherhoodPregnancyTeenagersToddlers

How to stay hydrated in summer?

With hot summer days on the door, it’s important that we adults and kids keep a good eye on our hydration. Whether you are staying…
KidsMotherhood

potty training خطوات سحرية لتتغلب علي فوضي المنزل أثناء البوتي ترينينج

في فترة الصيف بتبدأ الأمهات  تعليم اطفالهم استخدام البوتي للتخلص من مرحلة ارتداء الحفاض لكن الأم بتتردد كتير قبل ما تبدأ في البوتي ترينينج وبتبقي…
Power your life with Motherstalk
[[[["field6","contains","Other"]],[["show_fields","field8"]],"and"]]
1 Step 1
keyboard_arrow_leftPrevious
Nextkeyboard_arrow_right

Leave a Reply

Your email address will not be published. Required fields are marked *