Uncategorized

كيف اتخلص من الكسل والخمول

الكسل والخمول مشكلة بتعطلنا حياتنا وبنبقي مش راضيين عن نفسنا بس مستسلمين

من دلوقتي مفيش استسلام انوي انك لازم تغيري حياتك للأحسن وتحاولي دايما تتخلصي من الكسل

الاول انتي محتاجة تتأكدي ان الكسل او الخمول مش بسبب مرضي
زي نقص الفيتامينات وخصوصا فيتامين دال
او خمول في الغدة الدرقية
او نقص تغذية او اي سبب آخر مرضي

وحافظي علي الغذاء الصحي
وتناول الخضروات والفاكهة والفيتامينات
والعبي رياضة
واشربي ماء
واقعدي في الشمس
واعملي سيرش عاليوتيوب علي تمارين التنفس واتعلمي ازاي تتنفسي صح علشان الاكسجين يملأ جسمك ومخك

ودلوقتي تعالي اقولك شوية نصائح تخلصك من الكسل:

١) حسني حالتك المزاجية بأنك تخلصي دماغك من الدوشة اللي جواها، دوشة افكار ومهام محتاجة تتعمل او دوشة الكراكيب اللي في اي مكان حواليكي

٢) رتبي المكان حواليكي ونظيفه وحطي فيه لمسات جمالية وتخلصي من الكراكيب

٣)ابدأي يومك بكتابة قائمة بالمهام اللي وراكي خلال اليوم وكل ما تخلصي مهمة اعملي جمبها صح وده هيشجعك تكملي يومك كله انجازات وبدون كسل وكمان دماغك هترتاح من الدوشة اللي جواها

٤) خلي الورقة والقلم اصدقائك واتعلمي دايما تفضي اللي في دماغك علي ورقة

٥) قولي لمخك كلام ايجابي زي انا نشيطة ، انا نظيفة ومنظمة ..انا هقوم حالا اعمل كذا

٦) قولي لمخك هعد ٥ عدات واقوم اعمل كذا
وقولي ٥ .. ٤.. ٣.. ٢..١ وقومي جري انطلقي في مهامك

٧) دوري علي صحبة صالحة تشجعك وتحفزك وتدفعك للامام ولما تقعي تروحيلهم تتكلمي معاهم يشجعوكي

٨) حددي أولوياتك في الحياة ، وحطي اهدافك لكل اولوية، وايه المهام اللي هتعمليها علشان تحققي كل هدف منهم وقسمي المهام علي ايام الاسبوع

٩)ابدأي في اي وقت واي لحظة متقوليش خلاص اليوم خلص .. ابدأي حتي لو الساعة بقت ٨ بليل

١٠) قسمي مهام البيت عالايام ومتعمليش كل حاجة في يوم واحد
وكذلك لو عندك شغل او مذاكرة او اي حاجة قسميها لخطوات نونو

١١) ابعدي عن التسويف متفضليش تأجلي كل حاجة لحد ما تبقي تحت ضغط ، متستنيش المهمة تبعي عاجلة علشان تعمليها ،،، لكن خططيلها واعمليها في وقتها

١٢) واظبي علي اذكار الصباح والمساء وخصوصا الدعاء ده الخاص بالكسل:
(اللهم إني اعوذ بك من الهم والحزن، واعوذ بك من) العجز والكسل، واعوذ بك من الجبن والبخل، واعوذ (بك من غلبة الدين وقهر الرجال)

١٣)كافئي نفسك واحتفلي بيها علي سعيها انها تحقق اهدافها وتتخلص من الكسل وتكون نشيطة ومنظمة

١٤)ابعدي عن المشتتات زي الموبايل ورسايل السوشيال ميديا والمكالمات والتليفزيون اللي بتخليكي تكسلي تقومي تعملي اللي وراكي وتضيع يومك ووقتك

١٥)اعملي سيرش عاليوتيوب عن فيديوهات تشوفيها تحفزك تعملي الحاجة اللي مكسلة تعمليها، مثال لو مكسلة تروقي المطبخ اعملي سيرش عن تنظيف المطبخ هتلاقي فيديوهات كتير مجرد ما تشوفيها هتبقي عايزة تقومي تقلبي الشقة كلها

١٦) متنسيش تخدي اوقات راحة ليكي وانتخه في وسط انجازات يومك علشان مخك يبقي عارف ان في وقت هنقعد نرتاح فيه وميعلنش حالة العصيان والتمرد لو فضلتي تخليه يلف في ساقية ويشتغل طول اليوم من غير راحة

وانتي بتقرأي المقال ده شوفي ايه من الحاجات دي مش بتعمليها ومحتاجة تجربيها واكتبيها عندك في كشكولك علشان متنسيهاش ويالا ابدأي خدي خطوة دلوقتي تجاه حياة نشيطة منظمة جميلة ومبهجة

حياة فيها بصمتك انتي ولمستك انتي

10 posts

About author
Professional Organizer and Time Management Coach https://www.facebook.com/groups/332587367147945/?ref=share
Articles
Related posts
Uncategorized

٥ خطوات للتخلص من فوضي الموبايل والكمبيوتر وتنظيمهم

الموبايل بقي زحمة ومليان صور وحاجات ومش لاقية مساحة فاضية كل ما اجي احمل حاجة جديدة ميرضاش الزحمة والكراكيب مش بس بتبقي موجودة في بيتنا…
BabiesKidsMotherhoodPregnancyToddlersTravelUncategorized

How to enjoy Eid while staying safe?

With Eid at the doors, we are all making plans for the holidays. Whether you are traveling or staying in Cairo, it’s very important to…
MotherhoodPregnancyUncategorized

How to avoid digestive problems during Ramadan?

As discussed in our previous article “5 Amazing Health Benefits of Fasting Ramadan”, fasting has many incredible health benefits. Yet, many people suffer from bloating,…
Power your life with Motherstalk
[[[["field6","contains","Other"]],[["show_fields","field8"]],"and"]]
1 Step 1
keyboard_arrow_leftPrevious
Nextkeyboard_arrow_right

Leave a Reply

Your email address will not be published. Required fields are marked *