كل ام عايزه ولادها أحسن ناس في الدنيا و غالبا بتبقي شاغلة نفسها بالأطفال التانيه عشان تقدر تعرف تحدد مستوي ابنها بينهم و تعرف نقاط تفوقه عليهم و بالتالي تبقي فخوره بيها و تعرف نقاط ضعفه بينهم عشان تشتغل عليها
الحقيقه انه مش دي المشكله ابدا بالعكس مهم جدا ان كل ام تهتم بمتابعة تطور طفلها و التعلرف علي نقاط الضعف و القوة عنده ، لكن المشكلة الأساسية ان في كثير من الأوقات الموضوع بيتحول لسباق بين الأمهات مين ابنها احسن في كذا او مين ابنها اسؤ في كذا و هما غير مدكريين انهم بكده بيؤذوا اطفالهم
طيب و ايه المشكله في اني اقارن ابني بالأطفال التانيه ؟
أولا عدم مراعاه الفروق الفرديه لان مش كل الأطفال بتقدر تنجز نفس الشئ في نفس السن و الدليل علي كده ان كل الدراسات اللي بتتعمل علي الأطفال مش بحطوا فيها سن محدد، في التسنين مثلا هما بيقولوا من 6 شهور يبدأ الطفل يسنن و في اطفال قبل كده و اطفال بتتأخر عن السنه و البتالي حتي الأشياء اللي مش متعلقه بالمهارات و بتحصل لكل الأطفال مش كلهم بيعملوها في نفس السن
ثانيا قدرة الطفل علي اكتساب مهارات معينه بتكون مختلفه من طفل للتاني فهنلاقي مثلا طفل ادرك فكره العدد و الجمع و الطرح اسرع من طفل تاني و طفل اتكلم قبل غيره و ده بيدعم فكرة الأختلاف اللي ربنا خلقنا عليها عشان في النهايه ميبقاش كلنا اطباء او كلنا منهدسين
ثالثا المقارنة بتحط ضغط شديد علي الأم و الطفل في نفس و بتخلي الطفل غير واثق في قدراته و عنده احساس انه اقل من الأخريين
رابعا الأمهات اللي بتقارن طول الوقت غالبا مش بتعرف تشوف مميزات طفلها و بتركز طول الوقت علي السلبيات بس و ده بيخليها مش متقبله الطفل
هل بتقارني اطفالك بغيرهم من الأطفال شاركينا
