Babies

ازاي اختار عربية الاطفال ؟

ماميز يا حلوين
انا كنت لسه ام جديدة زيكم من سنه
قعدت ادور في موضوع الاستولر الحلوه و اشتري ايه ؟
اللي حصل اني لقيت انواع كتير
تعتبر فيراري عربيات الاطفال ..ستين الف اوبشن و بترجع لو و بتتنطط و بتتهز و بتتشقلب .. ف انخدعت زي أي ام جديدة و قولت و الله لأجيب حاجه سوبر فانسي و دي أكيد هتنفعني جدا و بالفعل كلفتني  جامد جدا .. اللي حصل اني فوجئت و انا بستعملها بعيوب كتير أوي ..و بالتالي قررت أكلمكم عن
stroller ال

..ايه المميزات و ايه العيوب و ازاي تختاري

stroller

حلوه تفيدك بجد و تنجزك في أي مشوار
😊😊
انا مش هقولك براند معين ولا شكل معين بس انا هقولك تدوري على ايه :
١. سهولة القفل و الفتح
دي رقم واحد بجد .. روحي المحل و اختاريها بنفسك و اتأكدي ان انتي و جوزك تعرفوا تقفلوها و تفتحوها
عشان بجد الموضوع ده كان عاملي أزمة كبيره أنا و جوزي .. حتي لو هتشتريها اونلاين
اشتريها بعد ما تجربيها بنفسك
و تعرفي تفرميلها و توقفيها و تفرديها

٢. خفة الوزن و صغر الحجم
بجد ده عامل مهم اوي عشان للأسف انا جايباه عربيه اطفال تساعدني مش تبقي عائق ليا في الخروجه
معرفش اعدي بيها في حته ضيقه و تبقي مأساه اني ..ارفعها او اخرج بيها
لو قدامك اوبشنز كتير و رفاهيه قدم الوزن و صغر الحجم
اختاري الحجم الصغير و الوزن الخفيف
٣. ماتيريال القماش الخاص بعربيه الطفل
اختاري الماتيريال سهله التنضيف اللي متحررش الطفب و ابعدي تماما عن الكرسي الجلد و الحاشيه الجلد و الفخامة ..مهو الطفل مش رايح اجتماع ولا مسابقه جمال ولا محتاج جلد  هو محتاج راحه و
و انتي محتاجة سهولة تنضيف عشان اللي هيحصل للعربيه مش هيكون قليل مع دخول الاكل
٤. قابليه العربيه لالتصاق الكارسييت فيها
دي حاجه مهمه جدا خصوصا لو الطفل لسه
بيستعمل كرسي اطفال
Stage 1
او مرحلة أولى ..هينام في العربيه منك هتشيليه
بالكرسي بتاعه هوبا نثبته في عربية الاطفال و قضي احلى ساعه شوبينج في حياتك بدون زننننن في اي مول
😅
٥. مواصفات أمان لعربيه الاطفال
أرجوكي اهتمي جدا بالعربيه انها تكون بتتفرمل عشان لو وقفتي في مكان هوا او في الباركينج  متنجرفش منك كده هوبا فجأه و تعرضي الطفل لخطر كبير و
برضو اهتمي ان العجل يكون ثابت  على الارض و سهل التحريك و سهل توجهيه
٦. عجل مرن سهل الحركة
اتاكدي ان العجل ثابت و قوي و يستحمل يمشي على
الارضيات الخشنه و الارضيات الناعمه متنجرفيش ورا الشكل و الاهم بجد المتانه و القوة
٧. مكان اسفل الستولر لوضع الشنطه و مستلزمات البيبي
كل ما يكون كبير بجد يكون أفضل عشان تستخدميه للشنطه و للبطانيه و للمستلزمات اللي معاكي
٨. الاوبشنز الزياده ..لقيتيها لقيتيها ملقيتهاش مش مهم
زي  tray أكل للبيبي
او زي ان الايد الخاصه بالعربيه بتتنقل لقدام و لورا
او زي ان الاستولر نفسها جواها هزاز  او فيها وصله شاحن او بتطير او بتعمل مساج
كل دي اوبشنز لو موجوده الحمد لله لو مش موجودة ..عادي يا مامي مش مهم
🥰
و تعيشي و تشتري يا مامي

2 posts

About author
senior software quality assurance engineer https://www.facebook.com/summerti
Articles
Related posts
AwarenessBabiesMotherhoodTeenagersToddlers

Is sugar bad for our health?

Sugar is a sweet ingredient that we find in many foods. Sugary food tastes good but is usually bad for our health. Did you know…
AwarenessBabiesCookingKids

Easy Banana Muffins for Kids

Do you have ripe bananas? Here’s a simple banana muffins recipe. They are soft and perfect first muffins for your baby starting on finger food!…
BabiesFashionKidsMotherhoodPregnancyToddlersUncategorized

Baby shopping tips and tricks (part#1)

ازاي نعمل شوبينج ناجح لمستلزمات البيبي الجديد. ..؟ ١. بنصحك تشتري لبس الصيف في الشتا و لبس الشتا في الصيف . متستعجليش في الشرا ……
Power your life with Motherstalk
[[[["field6","contains","Other"]],[["show_fields","field8"]],"and"]]
1 Step 1
keyboard_arrow_leftPrevious
Nextkeyboard_arrow_right

Leave a Reply

Your email address will not be published. Required fields are marked *