Kids

ادي ولادي مصروف امتي ؟

كتير بنسأل نفسنا امتي ممكن نبدأ ندي ولادنا مصروف ؟ ازاي نحدد قيمة المصروف ده ؟ و ازاي اخلي ولادي يتعاملوا مع المصروف ده بشكل صح ؟

المصروف و مهارة التعامل مع الفلوس من المهارات المهم أن الأطفال تتعلمها لأنها هتحتاجها في حياتها طول الوقت ، و اكيد في مننا اللي ايدهم مخرومة و الفلوس بتخلص منهم في نص الشهر و اللي مش بيعرفوا يحوشوا أو كل المشاكل الخاصة بالفلوس اللي احنا عارفينها ، عشان كده مهمتنا احنا كأمهات اننا نعلم الاطفال ازاي يتعاملوا مع الفلوس بشكل كويس

اولا اقدر ادي للطفل مصروف من اول ما يتعلم انه يجمع و يطرح يعني فى حدود 6 سنوات مثلا عشان يعرف يتعامل مع البائع في أي مكان و يفهم انه إذا كان له باقي مثلا او الفلوس اللي معاه تكفي أنه يشترى الحاجات اللي هو عايزها ولا لا

فى المرحله دى مهم جدا اني اكون جنب الطفل و اساعده اذا هو احتاج لكن في نفس الوقت اسيبه يتصرف هو بمعني تاني ماتدخلش الا اذا الطفل طلب مني المساعدة عشان ياخد فرصته في التعلم واكتساب المهارة و بالمناسبة المصروف من الحاجات اللي هتساعد ان الطفل يتعلم الجمع و الطرح بشكل اسرع لانه هيبقى بيمارس الموضوع بشكل عملي

بعد ما الطفل يفهم فكرة الفلوس و ازاي يتعامل معها بشكل جيد نبدأ ندخل فكره ان الطفل يحوش فمثلا لو الطفل عايز يشتري حاجه اكثر من الفلوس اللي معاه نساعده أنه يحط خطة لتحويش الفلوس مع مراعاة انه لازم يخلي جزء من الفلوس دى لأحتياجاته اليوميه و الصرف العادي

و كل فتره ادخل مهاره جديده زي مثلا فكرة الصدقات او مساعدة المحتاجين و الزكاه حسب سن الطفل و اتقانه للمهارة السابقة

طيب احدد قيمة المصروف ازاى ؟

قيمة المصروف بتتحدد بناء على احتياج الطفل بمعني ان لو ابني مثلا بياخد اكله من البيت و هو رايح المدرسه يبقي اللي هو هيحتاج يشتريه هو الحلويات فقط و ده معناه اني اديله اللي يكفي انه يجيب حاجه او اتنين فقط مش اروح اديله مبلغ و قدره

طيب ادي مصروف باليوم و لا بالشهر ؟

في السن الصغير احسن حاجه هو مصروف يومي لانهم لسه مش بيبقوا عارفين قيمه الفلوس و لا ازاي يتعاملوا معاها ، بعد كده لما الاطفال يكبروا شويه غالبا بيختاروا النظام الشهري عشان بينبهروا بفكرة انهم يمسكوا مبلغ كبير مره واحده لكن غالبا الفكره دي مش بتنجح فيكون احسن حاجه النظام الاسبوعي

مهم جدا اني اكون عارفه ان المصروف مش وسيلة عقاب امنعه عن الأطفال لما يغلطوا و اسيبه لما يكون مزاجي رايق لكن كمان في نفس الوقت مهم اني مانقذش الطفل لو مصروفه خلص قبل الوقت المحدد مثلا و اسيبه يتحمل مسؤولية اختياراته وأفعاله

و انتوا ابتديتوا تاخدوا مصروف امتي؟

27 posts

About author
مدربة تربية إيجابية معتمدة عضو الجمعيه الامريكيه للتربيه الايجابيه مؤسسه صفحه متعة التربيه مقدمة كورس متعة التربيه facebook page : https://www.facebook.com/%D9%85%D8%AA%D8%B9%D8%A9-%D8%A7%D9%84%D8%AA%D8%B1%D8%A8%D9%8A%D9%87-528616240803579 instgram account : https://www.instagram.com/enjoyable_parenting/
Articles
Related posts
BabiesKidsMotherhoodPregnancy

What is trisomy?

With the advance of science, Walther Flemming discovered in 1882 that our genetic material is carried by a thread-like structure found in our cells called…
BabiesFather's RoleKidsMarriageMotherhoodPregnancySingle ParentsTeenagersToddlers

Bullying is REAL 💔😢

Is your child being bullied? Do you recognise the different types of bullying? Do you know what action to take?  Any child can be bullied…
BabiesFather's RoleKidsMotherhoodSingle Parents

التربية الإيجابية و أخطاء شائعة

إنتشرت في أواخر الثلاثين عام الماضية ما يسمى بالتربية الإيجابية حيث كانت المتبنية لأفكارها و منهجيتها “جاين نيلسون” متأثرةً بفكر “أدلر” و تلميذه “دريكرز”. بدأ…
Power your life with Motherstalk
[[[["field6","contains","Other"]],[["show_fields","field8"]],"and"]]
1 Step 1
keyboard_arrow_leftPrevious
Nextkeyboard_arrow_right

Leave a Reply

Your email address will not be published. Required fields are marked *