BabiesKidsMomentrepreneurMotherhoodSingle Parents

إزاي أحقق أهدافي

بتقولي لنفسك انا فاشلة ببدأ اعمل الحاجة ومش بكملها

..كام مرة اشتركت في الجيم ومكملتش

..بقول هعمل دايت ومش بكمل

هقرأ قرآن، هدخل عادة جديدة ،هشترك في كورس ،هقرأ كتاب ،وهعمل وهعمل وهعمل وكل مرة بتبدأي متحمسة وبعدين بتقفي وتحبطي ومتكمليش

 

لو بتبدأي تعملي حاجة وانتي متحمسة ليها اوي وعندك حماس البدايات وبعدين مش بتقدري تكمليها

ودايما بتقولي لنفسك انا مفيش مني فايدة مش بعرف اكمل حاجة للنهاية انا فاشلة

 

انا هساعدك في المقال ده بإذن الله تعرفي ازاي لما تبدأي اي هدف تقدري تتشغلي عليه صح وتكمليه للآخر يا أحلي ملكة 

 

لو هنكلم علي مثال الجيم

فأنتي مبدأيا محتاجة يكون عندك كشكول تخطيط تحطي فيه هدفك وتمشي معايا بالنصائح دي

 

اولا هتبدأي تخلي هدفك وواضح وصريح

يعني انتي هنا مش الجيم هو هدفك

هدفك مثلا تلعبي اي رياضة علشان تخسي او هدفك تخلي جسمك قوي وفيه مرونة ولفوايد الرياضة العظيمة

ارجوكي حددي هدفك بالظبط واكتبي عايزة تحققيه ليه

اكتبي ايه هيتغير في حياتك لما تحققيه وحياتك دلوقتي شكلها ايه

 

ثانيا هتحتاجي تجمعي شوية معلومات

منها انك تشوفي ايه الطرق المختلفة اللي هتحققي بيها هدف التخسيس

مثلا هروح جيم

 أو هلعب عجل

 أو هنزل اجري

 أو أشغل فيديوهات من اليوتيوب واعمل معاها او او

 فكري في حلول وبدائل المهم انك تكوني بتسعي لتحقيق هدفك الاساسي بس عندك مرونة هتحققيه إزاي حسب المناسب ليكي

 ولو قررتي انك هتروحي جيم هتحتاجي تجمعي شوية معلومات عن الجيم اللي حواليكي وتسألي فيهم وتشوفي سعرهم وميزانيتك ومواعيدهم

 فكري ايه تاني محتاجة تجمعي معلومات عنه قبل ما تبدأي زي ايه اللبس اللي هتحتاجيه

 ايه فوايد الرياضة علشان تكوني متحمسة واكتبيها قدامك

 ياتري ايه تاني محتاجة اجمع معلومات عنه

 

ثالثا محتاجة تحددي هتروحي الجيم كام مرة في الاسبوع و أيام ايه ومن الساعة كام لكام وهروح اني جيم

علشان زي ما قولنا يكون الهدف واضح وصريح

 

 Time block وبعدين تعملي

للوقت ده يعني تقفلي الوقت ده ويكون مخصص للرياضة وبس زي مثلا ما بتودي ولادك المدرسة من الساعة 7 ل 2 ده كدة بلوك مخصص لوقت المدرسة وبس

وبكدة مخك بقي متسستم انه ده وقت كذا

 

رابعا محتاجة تختاري طريقة تتابعي بيها تقدمك في الهدف ده، فممكن في كشكول التخطيط بتاعك او ال planner او ال Bullet journal تكتبي عدد المرات اللي هتروحي فيها في الشهر بالايام وكل مرة تعلمي صح عاليوم اللي روحتيه

خامسا محتاجة حد يشاجعك ويحمسك ويتابعك سواء صديقة تكونوا شركاء في هدف الرياضة او  صديقة تشجعك عالالتزام في اهدافك عموما وانتي  تكوني بتشجعيها وبتتابعوا بعض كل اسبوع

او لو واقفة خالص ومش عارفه تاخدي الخطوة ممكن تستعيني بكوتش  تساعدك تحطي هدفك وتتابعك انك تلتزمي بيه

سادسا هتعملي وقفة تقييم كل اسبوع وشوفي ايه الحاجات اللي حصلت وخلت الموضوع ينجح وساعدك تعرفي تروحي

او ايه اللي مضايقك وموقفك، ياتري الجيم ده مريح ليا ولا محتاجة اشوف جيم تاني

ياتري في رياضة معينة بحبها اكتر ومناسبة ليا ورياضة تانية بتتعبني

إيه محتاجة اغيره علشان اقدر اكمل علي هدفي وهو إني ألعب رياضة

هل ممكن إني امارس الرياضة بطريقة مختلفة واجرب طريقة تانية من اللي كتبتهم فوق

وعلي فكرة مش عيب نبدأ حاجة ونلاقيها مش مناسبة لينا ونقرر نوقفها ونشوف طريقة بديلة

المهم الهدف نفسه تفضلي تشوفي هتحققيه إزاي بطرق مختلفة

 

وفي النهاية احب اقولك انك مش فاشلة خالص بالعكس انتي شاطرة انك بتحاولي وبتعافري 

انتي بس ممكن تكوني تايهة ومش عارفة تعملي ايه علشان تستمري علي هدفك لأنك مكنتيش تعرفي الكلام اللي فوق ده

بس دلوقتي انتي خلاص عرفتي يالا قوليلي ايه الهدف اللي هتبدأي تشتغلي عليه بالخطوات دي

10 posts

About author
Professional Organizer and Time Management Coach https://www.facebook.com/groups/332587367147945/?ref=share
Articles
Related posts
EntertainmentKids

كيف استمتع بالعيد وأملأ قلبي بالفرحة

عيد الاضحي عالابواب كل عام والأمة الإسلامية بخير وصحة وسعادة يارب كلنا بعد ما كبرنا بقينا نقول احنا مش حاسين بفرحة العيد زي زمان لما…
BabiesKidsMotherhoodTeenagersToddlers

What is albinism?

In the occasion of albinism awareness day (June 13), let’s praise our difference. The strength of humankind relies is our differences. Our differences are due…
KidsMotherhoodPregnancyTeenagersToddlers

How to stay hydrated in summer?

With hot summer days on the door, it’s important that we adults and kids keep a good eye on our hydration. Whether you are staying…
Power your life with Motherstalk
[[[["field6","contains","Other"]],[["show_fields","field8"]],"and"]]
1 Step 1
keyboard_arrow_leftPrevious
Nextkeyboard_arrow_right

Leave a Reply

Your email address will not be published. Required fields are marked *